இந்தியாவுக்கு எதிரான முதலாவது டெஸ்ட் போட்டிக்கான 16 பேர் கொண்ட இலங்கை அணியை இலங்கை கிரிக்கெட் சபை அறிவித்துள்ளது.
இந்த அணியில் அனுபவமிக்க துடுப்பாட்ட வீரர் நிரோஷன் டிக்வெல்ல மீண்டும் டெஸ்ட் போட்டிகளுக்குத் திரும்பியுள்ளார்.
தனஞ்சய டி சில்வா அணித்தலைவராகவும், கமிந்து மெண்டிஸ் உப தலைவராகவும் நியமிக்கப்பட்டுள்ளனர்.
காயம் காரணமாக விலகியுள்ள குசல் மெண்டிஸுக்குப் பதிலாக டிக்வெல்ல விக்கெட் காப்பாளராக சேர்க்கப்பட்டுள்ளார்.
மேலும், ஆரம்பத் துடுப்பாட்ட வீரர் பெத்தும் நிஸ்ஸங்கவும் இந்த அணியில் இடம்பெறவில்லை.
துடுப்பாட்ட வரிசையில் லஹிரு உதார, நிஷான் மதுஷ்க, தினேஷ் சந்திமால், பசிந்து சூரியபண்டார மற்றும் சோனல் தினுஷ ஆகியோர் இடம் பிடித்துள்ளனர்.
சுழற்பந்து வீச்சாளர்களாக ரமேஷ் மெண்டிஸ், பிரபாத் ஜெயசூரிய ஆகியோருடன் கேஷர நுவந்த புதிதாக இணைந்துள்ளார்.
ஐ.சி.சி உலக டெஸ்ட் செம்பியன்ஷிப் 2025–27 சுற்றின் ஒரு பகுதியாக நடைபெறும் தொடரின் முதலாவது டெஸ்ட் போட்டி, ஆகஸ்ட் 15 முதல் 19 வரை காலி சர்வதேச கிரிக்கெட் மைதானத்தில் நடைபெறவுள்ளது.