இந்தியாவின் மக்கள் தொகை வரலாற்றில் இதுவரை இல்லாத ஒரு முக்கிய திருப்புமுனையாக, நாட்டின் மொத்தக் கருவள வீதம் முதன்முறையாக வீழ்ச்சியடைந்துள்ளது.
பல தசாப்தங்களாக மக்கள் தொகை பெருக்கத்தைக் கட்டுப்படுத்தப் போராடிய இந்தியாவில், தற்போது பிறப்பு வீதம் சரிந்து வருவதால் எதிர்காலத்தில் உழைக்கும் வர்க்கத்தினரின் எண்ணிக்கை குறைந்து, முதியோர்களின் எண்ணிக்கை அதிகரிக்கும் அபாயம் ஏற்பட்டுள்ளதாக மக்கள்தொகை ஆய்வாளர்கள் எச்சரிக்கின்றனர்.”
இந்தியாவின் பதிவுத் துறைத் தலைவர் மற்றும் மக்கள் தொகை கணக்கெடுப்பு ஆணையரால் வெளியிடப்பட்ட அதிநவீன எஸ்.ஆர்.எஸ் அறிக்கையின்படி, நாட்டின் மொத்தக் கருவள வீதம் 1.9 ஆகக் குறைந்துள்ளது.
2000ஆம் ஆண்டுகளில் ஒரு பெண்ணுக்குச் சராசரியாக 3.3 ஆக இருந்த பிறப்பு வீதம், தற்போது மக்கள் தொகையை ஸ்திரமாக வைத்திருக்கத் தேவையான 2.1 என்ற எல்லைக்குக் கீழ் இறங்கியுள்ளது.
2023ஆம் ஆண்டில் சீனா வைப் பின்னுக்குத் தள்ளி உலகிலேயே அதிக மக்கள் தொகை கொண்ட நாடாக இந்தியா உருவெடுத்த போதிலும், உள்நாட்டில் பிறப்பு வீதம் வேகமாகச் சரிந்து வருவதையே இத்தரவுகள் காட்டுகின்றன.
பெண்களிடையே உயர்கல்வி, குடும்பக் கட்டுப்பாடு பற்றிய விழிப்புணர்வு மற்றும் குடும்ப முடிவெடுப்பதில் பெண்களின் அதிகாரம் அதிகரிப்பு, நவீன பொருளாதார சூழலில் குழந்தைகளின் கல்வி மற்றும் பராமரிப்புச் செலவுகள் கணிசமாக அதிகரித்துள்ளமை உள்ளிட்ட காரணங்களால் குழந்தை பிறப்பு விகிதம் குறைவடைந்துள்ளதாக தெரிவிக்கப்பட்டுள்ளது.