ஸ்பெயினின் வட ஆப்பிரிக்க பிரதேசமான செவுட்டா (Ceuta) நகருக்குள், கடந்த 24 மணி நேரத்தில் சுமார் 50,000 முதல் 60,000 புலம்பெயர்ந்தோர்கள் மொராக்கோ வழியாக எல்லை கடந்து வந்துள்ளதாக பரபரப்புத் தகவல் வெளியாகியுள்ளது.
கடல் வழியே செவுட்டா மற்றும் மெலில்லா பகுதிகளை அடைய முயலும் புலம்பெயர்ந்தோரை உடனடியாக மொராக்கோவிற்குத் திருப்பி அனுப்பக் கூடாது என ஸ்பெயின் உச்ச நீதிமன்றம் சமீபத்தில் தீர்ப்பளித்தது. இந்தத் தீர்ப்பைத் தொடர்ந்து, எல்லைப் பாதுகாப்பு பலவீனமடைந்த சூழலைப் பயன்படுத்தி இந்தத் திடீர் ஊடுருவல் நிகழ்ந்துள்ளது.
இந்தச் சம்பவம் குறித்துப் பேசிய செவுட்டாவின் தலைவர் ஜுவான் ஜீசஸ் விவாஸ் (Juan Jesús Vivas):
“சுமார் 83,600 மக்கள் தொகை கொண்ட இந்த சிறிய நகருக்குள், அதன் மொத்த மக்கள் தொகையில் 70 சதவீதத்திற்கும் அதிகமானோர் ஒரே நாளில் நுழைந்துள்ளது கட்டுப்படுத்த முடியாத ஒரு நெருக்கடியை உருவாக்கியுள்ளது,”
என கவலை தெரிவித்துள்ளார். மேலும், இந்த எல்லைக் கடப்பின் போது இதுவரை 43 பேர் உயிரிழந்திருப்பதாகவும் தகவல்கள் தெரிவிக்கின்றன.
பிரதமர் பெட்ரோ சான்செஸ் (Pedro Sánchez) இந்தச் சம்பவத்தை ஒரு “தாக்குதல்” எனக் குறிப்பிட்டுள்ளார். தவறான தகவல்களையும் வதந்திகளையும் பரப்பி குற்றவியல் கும்பல்கள் இந்தச் சூழலைத் தவறாகப் பயன்படுத்தியுள்ளதாகக் கூறிய அவர், எல்லைப் பாதுகாப்பை அதிகரிக்க ராணுவத்தை அனுப்ப உத்தரவிட்டுள்ளார்.
சட்டவிரோதமாக ஊடுருவிய அனைவரும் விரைவில் மொராக்கோவிற்கே திருப்பி அனுப்பப்படுவார்கள் என உறுதியளித்துள்ளார்.