பெல்ஜியம் நாட்டில் உள்ள வரலாற்றுச் சிறப்புமிக்க இயற்கை காப்பகத்தில் (High Fens Nature Reserve) ஏற்பட்டுள்ள பாரிய காட்டுத்தீ, மூன்றாவது நாளாகத் தொடர்கிறது.
இப்பகுதியில் கடுமையான வெப்பம் மற்றும் வறண்ட காலநிலை நிலவுவதால், காட்டுத்தீயின் பரப்பளவு மிகவேகமாக இரு மடங்கிற்கும் அதிகமாகப் பரவி வருகிறது.
வெள்ளிக்கிழமை அன்று சுமார் 80 ஹெக்டேராக இருந்த காட்டுத்தீ, சனிக்கிழமை காலை 850 ஹெக்டேராகவும், ஞாயிற்றுக்கிழமை நிலவரப்படி சுமார் 3,000 ஹெக்டேர் பரப்பளவுக்கு மேல் பரவி பேரழிவை ஏற்படுத்தியுள்ளது.
ஜெர்மனி எல்லைக்கு அருகில் உள்ள ‘ஹை பென்ஸ்’ (High Fens / Hautes Fagnes) எனப்படும் இயற்கை வளம் மற்றும் தைகுன்றுகள் (Peatlands) நிறைந்த பகுதி கடுமையாக பாதிக்கப்பட்டுள்ளது.
1911-ஆம் ஆண்டிற்குப் பிறகு பெல்ஜியத்தில் பதிவாகும் மிகப்பெரிய காட்டுத்தீ இதுவாகும்.
தீயைக் கட்டுப்படுத்த 250-க்கும் மேற்பட்ட தீயணைப்பு வீரர்களும், அவசரகாலப் பணியாளர்களும், ஜெர்மனி நாட்டு வீரர்களும் தீவிரமாகப் போராடி வருகின்றனர்.