யேமன் நாட்டில் பதற்றம் அதிகரித்து வரும் நிலையில், ஈரான் ஆதரவு ஹூதி கிளர்ச்சியாளர்களின் பிடியில் உள்ள பகுதிகளை மீட்க யேமன் அரசு அதிரடி ராணுவ நடவடிக்கையை அறிவித்துள்ளது.
யேமன் ஜனாதிபதி தலைவர் மன்றத்தின் தலைவர் ரஷாத் அல்-அலிமி (Rashad al-Alimi), அமைதிக்கான அனைத்து வாய்ப்புகளும் தீர்ந்துவிட்டதாகக் கூறி, நாட்டின் இறையாண்மையைப் பாதுகாக்க இந்த முழு அளவிலான ராணுவ நடவடிக்கைக்கு உத்தரவிட்டுள்ளார்.
குறிப்பாக, ஹூதி கிளர்ச்சியாளர்கள் சமீபத்தில் செங்கடல் கடற்கரைப் பகுதிகளைக் கைப்பற்றியதையும், முக்கிய நகரான தாயிஸ் (Taiz) மீது தாக்குதல்களைத் தீவிரப்படுத்தியதையடுத்தே இந்த முக்கிய முடிவு எடுக்கப்பட்டுள்ளது.
பொதுமக்கள் பாதுகாப்பான இடங்களுக்குச் செல்லுமாறு அறிவுறுத்தப்பட்டுள்ளதுடன், அரசுப் படைகள் நாட்டின் ஆட்சி அதிகாரத்தை முழுமையாக மீட்டெடுக்கத் தயாராகி வருவதாக அறிவிக்கப்பட்டுள்ளன.