கண்டியில் கோலாகலமாக நடைபெற்ற “சயிர ஸ்ரீ” தங்க விருது வழங்கும் விழா!
மலையகத்தின் வரலாற்றுச் சிறப்புமிக்க கண்டி ஜின்னா மண்டபத்தில் “சயிர ஸ்ரீ” தங்க விருது வழங்கும் பெருவிழா அண்மையில் மிகக் கோலாகலமாக நடைபெற்றது.
சமூகத்தில் பல்வேறு துறைகளிலும் சிறந்த பங்களிப்பை வழங்கி வரும் ஆளுமைகளைக் கௌரவிக்கும் நோக்கில், பிரபல சமூகச் செயற்பாட்டாளர் முருகேசு தீபன் அவர்களின் ஏற்பாட்டிலும் ஒழுங்கமைப்பிலும் இவ்விழா மிக நேர்த்தியாக ஏற்பாடு செய்யப்பட்டிருந்தது.
முக்கிய விருந்தினர்கள் மற்றும் சிறப்பம்சங்கள்
இவ்விழாவில் பிரதம அதிதியாக முன்னாள் மத்திய மாகாண முதலமைச்சர் சரத் ஏக்கநாயக்க கலந்து கொண்டு சிறப்பித்ததுடன், விருது பெற்ற வெற்றியாளர்களைப் பாராட்டி கௌரவித்தார்.
மேலும், விழாவின் கௌரவ அதிதியாகக் கலந்துகொண்ட ஆன்மீகச் செம்மல், கலாநிதி சிவஸ்ரீ ராமசந்திர குருக்கள் பாபுசர்மா மங்கள விளக்கேற்றி விழாவினை முறைப்படி ஆரம்பித்து வைத்தார்.
நிகழ்வின் ஏற்பட்டாளர் முருகேசு தீபன் அவர்களால் கலாநிதி சிவஸ்ரீ ராமசந்திர குருக்கள் பாபுசர்மா பொன்னாடை போர்த்தி, நினைவுச் சின்னம் வழங்கி கௌரவிக்கப்பட்டார்.
சிறந்த சமூகச் செயற்பாட்டாளர் விருது
இவ்விழாவின் முக்கிய நிகழ்வாக, ஆன்மீகப் பணியிலும் சமூகப் பணியிலும் தொடர்ச்சியாகத் தடம் பதித்து வரும் திருமலை கன்னியா ஆதி கருமாரி அம்மன் ஆலய ஆதீன கர்த்தா அன்டனி சகாயராஜா அவர்களுக்கு, அவரது சமூகச் சேவையைப் பாராட்டி “சிறந்த சமூகச் செயற்பாட்டாளர் விருது” வழங்கி கௌரவிக்கப்பட்டார்.
படங்களில் காண்க:
- சிறந்த சமூகச் செயற்பாட்டாளருக்கான விருதை திருமலை கன்னியா ஆதி கருமாரி அம்மன் ஆலய ஆதீன கர்த்தா அன்டனி சகாயராஜா பெற்றுக்கொள்ளும் காட்சி.
- கௌரவ அதிதியாகக் கலந்துகொண்ட கலாநிதி சிவஸ்ரீ ராமசந்திர குருக்கள் பாபுசர்மா மங்கள விளக்கேற்றும் காட்சி.
- நிகழ்வின் ஏற்பட்டாளர் முருகேசு தீபன் அவர்கள், கலாநிதி சிவஸ்ரீ ராமசந்திர குருக்கள் பாபுசர்மா அவர்களைக் கௌரவிக்கும் காட்சி.
