அமெரிக்க ஜனாதிபதி டொனால்ட் ட்ரம்பை இந்த வாரம் சந்திக்கவுள்ள சீன ஜனாதிபதி ஷீ ஜின்பிங், 1982-ஆம் ஆண்டின் கூட்டு ஒப்பந்தத்தை சுட்டிக்காட்டி தாய்வானுக்கான ஆயுத விற்பனையை முற்றிலும் நிறுத்துமாறு வலியுறுத்துவார் என எதிர்பார்க்கப்படுகிறது.
வொஷிங்டனுக்கு பயணம் மேற்கொள்ளும் சீன ஜனாதிபதி, தேசிய ஆவணக்காப்பகத்தில் நடைபெறும் நிகழ்வுகளின் போது இந்த கோரிக்கையை முன்வைக்கக்கூடும் என தகவலறிந்த வட்டாரங்கள் தெரிவிக்கின்றன.
சீனா தனக்குச் சொந்தமானது எனக் கோரும் தாய்வான் விவகாரம், அந்நாட்டின் மிக முக்கியமான மற்றும் உணர்வுபூர்வமான தூதரக விவகாரமாகப் பார்க்கப்படுகிறது.
அமெரிக்கா மற்றும் சீனாவுக்கு இடையே 1982இல் கையெழுத்தான மூன்றாவது கூட்டு ஒப்பந்தத்தின்படி, தாய்வானுக்கான ஆயுத விற்பனையை அமெரிக்கா படிப்படியாகக் குறைக்கும் எனக் குறிப்பிடப்பட்டுள்ளது.