2026 ஆகஸ்ட் 30 ஆம் திகதி நள்ளிரவு 12.00 மணி முதல் அமலுக்கு வரும் வகையில் சிபெட்கோ (Ceypetco) எரிபொருள் சில்லறை விலைகளில் திருத்தம் செய்யப்பட்டுள்ளதாக அறிவிக்கப்பட்டுள்ளது.
இதன்படி, லங்கா பெட்ரோல் 92 ஒக்டேன் லீட்டருக்கு 15 ரூபாவால் குறைக்கப்பட்டு அதன் புதிய விலை 399 ரூபாவாகவும், லங்கா பெட்ரோல் 95 ஒக்டேன் யூரோ 4 லீட்டருக்கு 20 ரூபாவால் குறைக்கப்பட்டு அதன் புதிய விலை 475 ரூபாவாகவும் திருத்தப்பட்டுள்ளது.
அதேவேளை, லங்கா வெள்ளை டீசல் (ரூ. 382.00), லங்கா சுப்பர் டீசல் 4 ஸ்டார் யூரோ 4 (ரூ. 478.00) மற்றும் லங்கா மண்ணெண்ணெய் (ரூ. 285.00) ஆகியவற்றின் விலைகளில் மாற்றங்கள் எதுவும் இன்றி பழைய விலையிலேயே தொடர்கின்றன.
இந்த பெட்ரோல் விலை குறைப்பு நடவடிக்கை குறித்து பொதுமக்கள் தங்கள் மகிழ்ச்சியையும் கருத்துகளையும் பகிர்ந்து கொண்டுள்ளனர்.
தற்போதைய பொருளாதாரச் சூழ்நிலையிலும் அதிகரித்து வரும் வாழ்க்கைச் செலவுகளுக்கு மத்தியிலும், குறிப்பாக பெட்ரோல் 92 ஒக்டேன் லீட்டருக்கு 15 ரூபாவினாலும் பெட்ரோல் 95 ஒக்டேன் லீட்டருக்கு 20 ரூபாவினாலும் குறைக்கப்பட்டுள்ளது மக்களுக்கு ஓரளவு பெரிய நிவாரணத்தை அளித்துள்ளதாகத் தெரிவித்த பொதுமக்கள் இம்முடிவை நேர்மறையாக வரவேற்றுள்ளனர்.
அதேவேளை, இத்துடன் நின்றுவிடாமல் வரும் நாட்களில் எரிபொருள் விலைகளை இன்னும் கணிசமான அளவில் படிப்படியாகக் குறைக்க அரசாங்கம் நடவடிக்கை எடுக்க வேண்டும் என்றும் பொதுமக்கள் தங்களது எதிர்பார்ப்பை வெளிப்படுத்தியுள்ளனர்.
