யேமனின் ஈரான் ஆதரவு ஹவுதி கிளர்ச்சியாளர்கள் சவுதி அரேபியா மீதான தாக்குதல்களைத் தீவிரப்படுத்தியுள்ள நிலையில், சவுதி அரேபியத் தலைநகர் ரியாத் மற்றும் அதைச் சுற்றியுள்ள முக்கியப் பகுதிகளில் முதன்முறையாக அவசர வான்வழித் தாக்குதல் எச்சரிக்கை விடுக்கப்பட்டுள்ளது.
சவுதி அரேபியாவின் சிவில் பாதுகாப்புத் துறை ‘பகைமை வான்வழி அச்சுறுத்தல் குறித்து எச்சரிக்கும் அவசரச் சமிக்ஞைகளை வெள்ளிக்கிழமை இரவு மற்றும் சனிக்கிழமை அதிகாலை வேளையில் ரியாத் நகரவாசிகளுக்கு அனுப்பியது.
எச்சரிக்கை மணி ஒலித்ததைத் தொடர்ந்து ரியாத் நகரில் சக்திவாய்ந்த குண்டுவெடிப்புச் சத்தங்கள் கேட்டதாக சர்வதேசச் செய்தி நிறுவனங்கள் மற்றும் உள்ளூர் வாசிகள் தெரிவித்தனர்.
ஹவுதி கிளர்ச்சியாளர்களால் ஏவப்பட்ட ஏவுகணைகள் மற்றும் டிரோன்களை சவுதி வான் பாதுகாப்புப் படைகள் இடைமறித்து அழித்ததாகத் தெரிகிறது.
இருப்பினும், ஆபத்து விலகிவிட்டதாக அறிவித்த அதிகாரிகள், மக்கள் கூட்டமாக கூடுவதைத் தவிர்க்குமாறு அறிவுறுத்தியுள்ளனர்.
ஜூலை மாதத்தில் சவுதி அரேபியாவிற்கு எதிராகக் கடல்வழி முற்றுகையை ஹவுதி கிளர்ச்சியாளர்கள் அறிவித்த பிறகு, தலைநகர் ரியாத்தில் வான்வழி எச்சரிக்கை விடுக்கப்பட்டது இதுவே முதல்முறையாகும்.