கிழக்கு சீனா பகுதியில் உள்ள முக்கிய துறைமுக நகரமான கிங்டாவோ (Qingdao) நகரில் உள்ள கப்பல் கட்டும் தளத்தில் பராமரிப்புப் பணிக்காக நிறுத்தப்பட்டிருந்த சரக்குக் கப்பலில் திடீரென பயங்கர தீவிபத்து ஏற்பட்டது.
இதில் கப்பலில் இருந்த 25 பேர் உயிரிழந்துள்ளதாக சீன அரசு ஊடகம் செய்தி வெளியிட்டுள்ளது.
லைபீரியக் கொடியுடன் பயணிக்கும் ‘ஓஷன் மெலடி’ (Ocean Melody) என்ற 190 மீட்டர் நீளமுள்ள சரக்குக் கப்பலில் இத்தீவிபத்து ஏற்பட்டது.
பராமரிப்புப் பணிகள் நடந்து கொண்டிருந்தபோது காலை 11:15 மணியளவில் தீப்பற்றியது.
கப்பலில் மொத்தம் 42 பேர் இருந்த நிலையில், 17 பேர் பத்திரமாக வெளியேற்றப்பட்டனர்.
அதில் காயமடைந்த 5 பேர் மருத்துவமனையில் அனுமதிக்கப்பட்டு சிகிச்சை பெற்று வருகின்றனர்.
ஆரம்பத்தில் காணாமல்போனவர்களைத் தேடும் பணி தீவிரமாக நடைபெற்ற நிலையில், மாலைக்குள் 25 பேரும் உயிரிழந்த நிலையில் கண்டெடுக்கப்பட்டனர்.